Te Poutokomanawa Kaiako
Poutokomanawa Tutor | Full Time 1.0 FTE, Permanent
He aha te tūnga?
Ko Te Poutokomanawa te tūāpapa e whakaatu i nga uaratanga me ngā mātāpono o Te Puna Ora O Mataatua.
Ko te whāinga matua, kia tū pakari ngā kaimahi o Te Puna Ora o Mataatua, kia matatau hoki ki ngā āhuatanga o te ao Māori, kia rere te reo Māori i ngā kōrero whakapapa me ngā kōrero tuku iho o ngā hapū, nga iwi hoki o Mataatua nui tonu. Kia kaha te kōrero Māori i te wāhi mahi, i te kainga, i te Marae oti rā ki roto i te hāpori.
E kimi ana mātou i tētahi kaiako matatau ki te whakaako i Te Reo Māori me ōna Tikanga.
Kia mohio ai te kaitono, ko te utu o tēnei tūnga e orite ana ki tēra o te Tāhuhu o te Mātauranga. Ka whakamatauhia e hia nga tau kua whakaakohia, anō hoki he aha te taumata o te reo a te kaitono.
Ngā pūkenga me whai
Mo tēnei mahi, me whai koe i ēnei pūkenga:
- He tohu e hāngai ana ki tēnei tūranga
- Matatau ki Te Reo Māori me ōna Tikanga
- Kāre he raru ki te ārahi i te akomanga
- Mohiotanga ki nga hītori Māori o te rohe o Mataatua
- He aro mō nga whanaketanga o ngā kaimahi ki roto I te ao Māori
Nāku te rourou, nāu te rourou, ka ora ai te iwi
He kaupapa Māori a Te Puna Ora o Mataatua e whakaaro nui ana ki a mātou kaimahi, hei whakawhanake hoki a mātou kaimahi I a rātou anō. He whanaketanga pūkenga whaihua, he maha hoki nga āheinga ki te whakapiki wairua, mai te mahi mau rākau ki te wānanga reo anō hoki ko tā mātou roopu Manaaki Ora e hāpai ana I wā mātou kaimahi kia manaaki anō hoki I wā rātou hauora.
Tukua mai tō tono inaianei
Mehemea ko koe tēra, tukuna tō tono ki tā mātou whārangi ipurangi i mua i te 5.00pm hei te Paraire, 20 Oketopa 2023.
Mēna kei a koe he pātai, e pīrangi kia kōrero e pā ana ki te tūnga rānei, tēna waea mai, tuku īmera mai ki a Katarina Holloway, Kaiāwhina, Pūmanawa Tāngata, ki 021 171 2123 ki katarina.holloway@tpoom.co.nz rānei.
